如果你係個鰻魚飯嘅擁躉，咁真係要嚟會一會位於紅窗門街嘅鰻魚專家 - 大東屋喇！呢位由台中過嚟嘅過江猛龍，本身從事鰻魚養殖事業已經有50年嘅經驗值，索性踏上埋料理鰻魚之路造福人群！
嚟到澳門都冇怠慢一眾鰻魚迷㗎，廚房後有個鰻魚養殖場，每個鰻魚飯都係由日本種嘅游水活白鰻魚擔大旗，即叫即燒，睇落偏薄身但肉質就細嫩好多，同啲厚肉但又韌柴嘅冰鮮鰻魚係二馬子嘅事，配埋日本越光大米，完全係俘虜咗我！
鰻魚飯有兩個級別；大東屋之頂級鰻魚飯（3.5P）同尚盛鰻魚重飯（2.5P），P呢個單位係每公斤佔幾多條鰻魚嘅數量，前者呢個採用咗年資較少嘅嫩口鰻魚，貴就貴啲，但細嫩感明顯好多，貴啲都係無可厚非嘅，值得貨金！
除咗鰻魚飯之外，其他家常少少嘅丼飯同佐酒一流嘅串燒都供應，豐儉由人㗎！
大東屋 活鰻日本料理 - 澳門店
澳門紅窗門街96-100號（ 華僑日報斜對面）
電話：+853 28786437
Search